Chama cha ACT Wazalendo ambacho kimejipatia umaarufu hivi karibuni hapa nchini Tanzania, kwanza kuwa chama chenye umri mdogo kabisa lakini ambacho kimeweza kusimamisha wagombea ubunge katika majimbo 226 kati ya majimbo 265 nchi nzima, sasa kinazindua rasmi kampeni zake za wagombea udiwani, ubunge na uraisi hapo kesho kule Mbagala Zakheem kuanzia saa 8:00 Mchana.
Katika uzinduzi huo viongozi mbalimbali wa chama watakuwepo. Mama Anna E. Mghwira ambaye ndiye mgombea uraisi katika uchaguzi huu, ndugu Hamad M. Yussuf ambaye ni mgombea mwenza na ndugu Zitto Z. Kabwe kiongozi wa chama wote watakuwepo.
Wengine ni ndugu, Prof. Kitila Mkumbo na viongozi wa chama katika ngazi mbalimbali watakuwepo. Usikose, mwambie na rafiki yako, jirani yako. ACT imezamiria kuleta mabadiliko ya fikra na sera ili kuiweka nchi katika misingi ile iliyoasisi taifa letu. Katika uchaguzi huu, twende na mama Anna Mghwira, kwa kuleta fikra mbadala na sera za kukomboa taifa letu na sio mbwembwe na ulaghai.
Kauli mbiu ya kampeni za uchaguzi, ACT Wazalendo 2015 ni UTU. UZALENDO na UADILIFU. Chagua mama Anna Mghwira, Chagua ACT Wazalendo, kwa mustakabali bora wa nchi yetu pendwa ya Tanzania.
0 comments:
Post a Comment