ARGENTINA YAPATA RAIS MPYA MH MAURICIO MACRI

Mauricio Macri katika mji wa Buenos Aires Novemba 22, 2015

Na RFI

Mauricio Macri kutoka chama cha Kiliberali amechaguliwa Jumapili hii kuwa rais wa Argentina katika duru ya pili ya uchaguzi wa rais. uchaguzi ambao umeashiria mwisho wa utawala wa Kirchner alieliongoza taifa hilo la tatu kwa uchumi katika eneo la Amerika ya Kusini.

Tafiti angalau nne wa ziliofanywa na televisheni baada ya uchaguzi, zinampa ushindi Meya wa Buenos Aires. Matokeo ya kwanza rasmi yalikua yanatarajiwa kutangazwa saa 1:30 usiku saa za Argentina (sawa na 4:30 usiku saa za kimataifa).

Mauricio Macri, mwenye umri wa miaka 56, amemshinda Daniel Scioli, mgombea wa serikali ya mseto, ambaye alikuwa alipewa nafasi kubwa ya kushinda kabla ya duru ya kwanza ya uchaguzi.

Daniel Scioli akipiga kura katika kata ya Tigre, katika jimbo la Buenos Aires Novemba 22, 2015.

Rais Cristina Fernández de Kirchner kutoka chama cha mrengo wa kushoto, anaiongoza nchi hiyo tangu mwaka 2007 baada ya kumrudilia mume wake, ambaye hakuweza kugombea awamu ya tatu mfululizo, kwa mujibu wa katiba.

Mara tu baada ya kutangazwa kwa matokeo ya kwanza, wafuasi wa meya wa Buenos Aires, walikutana katika makao makuu ya muungano wa vyama vya upinzani wa Cambiemos (ikimaanisha tubadili) unaongozwa na Macri, wamejipongeza na kuanza kusherehekea ushindi.

Wafuasi wa Mauricio Macri jijini Buenos Aires, Novemba 22, 2015.

Mauricio Macri atajitahidi kushirikiana na taasisi zingine za uongozi wa nchi kwa kuliongoza taifa hilo, kwani muungano wake hauna wingi wa viti katika Baraza la wawakili na Baraza la Seneti.(P.T)

Share on Google Plus

About Mind 2024

This is a short description in the author block about the author. You edit it by entering text in the "Biographical Info" field in the user admin panel.